Xhelili: Republikanët dhe LDK-ja do të fitojnë pa balotazh

Gjilan – Selver Xhelili i cili është në koalicion me LDK për ta ndihmuare përkrahur Lutfi Hazirin për kryetar komune thotë se koalicioni po fuqizohet çdo ditë dhe po gjen mbështetje të fuqishme nga radhët e të rinjve. Xhelili ka takuar një grup të rinjsh nga radhët e studentëve gjilanas nga të cilët ka marrë mbështetje për kandidatin Lutfi Hazirin.

Në një bashkëbisedim që ka pasur Selver Xhelili kryetar i Lëvizjes Republikane me një grup studentësh gjilanas nga të gjitha drejtimet ka marrë përkrahje të madhe për të mbështetur Lutfi Hazirin.”Po më vije mirë që të rinjtë e kanë kuptuar programin e Lutfi Hazirit. Ata janë të bindur se vetëm Haziri mund tua kthejë prestigjin organizatave rinore meqë i njeh mirë këto probleme pasiqë një kohë të gjatë ka qenë në vende udhëheqëse”.

Xhelili tha se nga kontaktet që ka pasur me studentët ka kuptuar se Lutfi Haziri do të fitojë pa balotazh. “Sipas sondazheve tona dhe sipas përshtypjeve që kam marr nga studentët shihet se Lutfi Haziri po gjen përkrahje të madhe nga të rinjtë dhe jam i sigurt se neve nuk na duhet fare balotazhi” shprehet Xhelili./rajonipress/