Xhelili: Ligji anti duhan po zbatohet edhe nga qendrat tregtare

Gjilan – Selver Xhelili tha se të enjten vonë natën kanë ndërmarrë një aksion në tërë Gjilanin për të parë se si dhe sa po respektohet ligji anti duhan. Xhelili thotë se është një lajm i mirë se ky ligj po zbatohet dhe nga qendrat e mëdha tregtare.
Inspeksioni komunal ka ndërmarrë një aksion në shkallë të gjerë në tërë qytetin dhe bizneset e Gjilanit, për të parë se si po respektohet ligji anti duhan. “Gjendja në qendrat tregtare është e pranueshme dhe gjatë kontrollimeve ne edhe kemi lëshuar dënime e gjoba dhe jemi të vendosur që të ecim tutje duke ndërmarrë aksione të njëpasnjëshme” tha Xhelili.
Xhelili tha se ky aksion është ndërmarrë pasiqë tani temperaturat janë të ulëta dhe realisht ka mundësi edhe të shkelet ligji anti duhan. “Ne jemi të përgatitur për kontrolla edhe më të rrepta sepse ligji është i njëjtë për të gjithë, duke përfshirë këtu edhe bizneset dhe qendrat tregtare” tha Xhelili./rajonipress/