Xhelili: Deputetët e ardhshëm të Anamoravës duhet të jenë profesionist, të aftë dhe të dobishëm për shoqërinë

Gjilan – Unë besoj se deputetët duhet ta përfaqësojnë popullin në mënyrën më besnike gjatë tërë mandatit shprehet Selver Xhelili.

Çfarë tip deputeti ka nevojë Gjilani, Anamorava e Kosova, për mandatin e ardhshëm? Në këtë pyetje përgjigjet Selver Xhelili i cili së fundit ka kaluar në degën e PDK-së në Gjilan.

Xhelili mendon se deputeti i ardhshëm duhet të ketë dije, profesionalizëm, përvojë në ndërmarrësi, pavarësi partiake kur është çështja e interesit shtetëror e komunal?!

“Unë besoj se deputetët duhet ta përfaqësojnë popullin në mënyrën më besnike gjatë tërë mandatit, kuptohet kudo në botë, dominojnë juristët, biznesmenët etj. Unë i mirëpres komentet e publikut, pavarësisht opinioneve të ndryshme që mund të kemi, sepse shyqyr Zotit, jetojmë në një shoqëri demokratike” tha Xhelili./rajonipress/