Xheladin Beqiri, heroi nga Gjilani që iu bashkua luftës antifashiste në Kurvelesh të Labërisë (1905 – 1944)

Materialin e mblodhi : Xhevahir Cirongu, Teksti, muzika dhe interpretimi : Demir Krasniqi

Për dëshmorët e atdheut , herët , apo vonë –
Për trimëritë edhe vlerat do të shkruhet gjithmonë !
N’ histori për ta , do t’ mësohet –
Brez pas brezi për ta do t’ këndohet !
Refreni :
Lum e lum po na banë konaku –
Po na vjen Xheladin Beqiri – heroi “Karadaku” !
Xheladin Beqiri – heroi nga Gjilani ,
Që e ka lindë dhe e ka rritë nëna, luftëtar vatani !

Në çdo varg të shkruar , pa u ndryshkur –
Nga ku lulja e lirisë qëndron ngaherë e vyshkur !
Aty gjenë të freskëta gjithmonë pika gjaku –
Me rrënjë ngulur në tokën tonë , ujitur nga gjaku ,
I 28 mijë dëshmorëve të LANÇ – re !
Kanë kaluar 70 vite n’ vendin tonë kur u ndezën zjarret –
Kur djemtë e vajzat shqiptare i rrëmbyen armët !
Shqiptaria për armikun , armët i rrëmbeu –
Menjëherë dolën maleve për lirinë e atdheut !
Shqipëria ishte pushtuar nga nazifashizmi gjerman –
Nëpër fshatra dhe qytete kanë bërë zi e kanë bërë nam !
Thirrjes së atdheut , për të luftuar pa u kursye gjaku –
Iu përgjegj edhe Xheladin Beqiri “Karadaku” !
Qysh në fillim djali i Gjilanit , kërkonte gjithnjë punë të sheshit –
Që jetonte në Nivicë , të qytetit t’ Kurveleshit !
RRoku armën e doli malit nëpër kodra të malësisë –
Të luftonte pa u kursye për lirinë e Shqipërisë !
“Nuk mund të rri në shtëpi, – iu tha nivicarëve djali nga Kosova –
Shtëpia ime janë këto male – ku i kanë foletë shqiponjat !”
Si erdh Xheladin Beqiri në Shqipëri – në shtetin amë –
Ngjarjet e vitit 1934 , n’ qytet të lindjes në Gjilan ,
E detyruan të kalonte nëpër Kukës e Shkodër ,
Kaloi lug me lug edhe kodër m’ kodër !
Prej andej kalon drejt në Myzeqe –
Në Fier , tek dosa t’ afërm , si n’ familje ku është le !
Prej Fierit kalon atje në mes Vlore –
Prej andej punon disa kohë n’ kripore !
Lufta italo – greke më 1940 , që i bëri llom t’ përsheshit –
Xheladinin e gjenë n’ fshatin , mu n’ Nivicë të Kurveleshit !
Xheladin Beqiri “Karadaku” – ka lindë n’ vitin 1905 –
Luftëtar e shembëlltyrë , ishte trim me plot besë !
Po n’ këtë vit pranohet n’ rrugë përparimtare –
Anëtar i Partisë Komuniste Shqiptare !
Me trimëri e zgjuarësi ka marrë pjesë në shumë beteja –
Kundër pushtuesve gjermanë të Shqipërisë , në krahina t’ reja ,
Të ndryshme të Shqipërisë së jugut , që kërkonin liri ,
Është ajo e betejës së Mezhgoranit në Përmet , gjurmë që mbetën n’ histori !
Me krijimin e Brigadës Parë Sulmuese , ky përparimtarë –
Emërtohet zëvendës – komandant i Batalionit t’ Parë !
Duke parë aftësitë e tija , si organizator e luftëtar i zoti –
Si një strateg i lindur , Xheladin Beqiri “Karadaku” , askund mundi s’i shkoi koti !
Emërohet komandant i batalionit të pestë , të Brigadës së Parë Sulmuese –
Ai , bëhet krahu i djathtë i Mehmet Shehut , për armikun ishte trishtuese !
Fill pas kthimit nga kongresi i Përmetit –
Ku ishte pjesëmarrës , si delegat për të drejta të miletit !
Në Betejën e Qafës së Gjarpërit e Guri i Prerë ,
Në luftime të ashpra , trup me trup janë prerë !
N’ midis forcave gjermane edhe ato partizane –
Më 6 Qershor të vitit 1944, tmerr i madh ndodhi kësaj ane !
E dhanë jetën 32 partizanë edhe partizane –
Në lulën e rinisë për lirinë e Shqipërisë nënë !
Midis tyre edhe biri i Kosovës , ra nga Karadaku –
Hero iPopullit – Komandant Xheladin Beqiri “Karadaku!”
Gjatë luftës për çlirimin nga okupatori nazifashist –
Ai, ra heroikisht në betejën e luftimeve t’ kësaj ane –
Që u zhvillua midis gjermanëve e forcave partizane !
Më 6 Qershor 1944 , luftë e rreptë ka krisë –
N’ Qafë të Gjarpërit , n’ rreth t’ Skraparit – zona Tomorricë !

Ai, me babanë s’ mund të duronin shtypjen serbe
Dhe si rezultat të konflikteve , familja iu vu n’ shënjestër nga serbët !
Kjo e detyroi që të kalonte drejt për në Shqipëri ,
Por, edhe në Shqipëri , Xheladini se pati t’ lehtë t’ kaluarën e tij !
Italiani edhe greku përmbrapa iu kishin flugë –
Arrestohet nga italianët e grekët , me disa muaj burg !
Kur mësojmë se nuk jetonte ky djalë në Nivicë –
Por, një hyzmetçar i ardhur nga veriu i Shqipërisë !
Atëherë ndaj torturave në burg pushoi vlugu
Dhe Xheladin Beqirin e lirojnë nga burgu !
Në këto kushte , biri i KOsovës , trimi i kësaj ane –
Rrëmben pushkën ,inkuadrohet n’ rreshtat partizane !
Kështu , Xheladin Beqiri – komandant “Karadaku” –
Nuk e lejoi vetën të rrijë n’ ballë konaku !
Hyn n’ formacionin e parë t’ çetës partizane –
Të Kurveleshit në vitin 1942 , në vendet e kësaj ane !
Më vonë kalon komandant i çetës “Hajredin Tremishti” –
Nëpër fronte t’ luftës , armikun e trishti !
Bashkë me komisarin trim , Hasim Zeneli –
Grekut , italianit , seç iu dridh themeli !

Ai, mbajti pseudonimin “Karadaku” , për çlirimin e Shqipërisë,
Mbante emrin e malit Karadak , të vendlindjes me shqiptarë –
Në Qafën e Gjarpërit , janë mbetë edhe dy lapidarë !
Njëri është ngritur pikërisht atje , ku u vra Xheladini 72 vite më parë –
Edhe në Nivicë , në qendër të fshatit duken si dy flamurtarë !
Qëndron kryelartë busti i Heroit të Popullit , Xheladin Beqiri “Karadaku” –
Atj në zemër të Labërisë trime, ku e kujton konaku !
Dëshmorët e kombit kanë vetëm ditëlindje , mu n’ atë ditë që janë flijua –
Liria që gëzojmë sot , i ks rrënjët te gjsku i dëshmorëve të atdheut pa u harrua !
Ata do të nderohen brez pas brezi , ndër shekuj kujtohen –
Populli i Skraparit u këndon këngë dhe kurrë nuk harrohen !
Dëshmorëve që ranë në betejën e Qafës së Gjarpërit e Gurit të Prerë –
Për çdo vjet ju bëjmë homazhe edhe ju bëjmë nderë !

Gjilan, më 21.06.2021 vj.
Demir KRASNIQI