Fundamenti

Xhandarmëria serbe sërish defilon në brendi të Kosovës

/ 2 minuta lexim
Eco Higjiena

Gjilan – Të enjten më datën 28.01.2016 në ora 12 e 16 minuta sipas banorëve të Karaqevës xhandarmëria serbe është parë duke patrulluar e armatosur dhe me xhipa të zi në rrugën e asfaltuar që njihet si territor i Kosovës. Selver Lenjani shprehet i brengosur me këtë ndërhyrje dhe thotë se është e pafalshme që në të njëjtën kohë dy delegacionet ajo e Kosovës dhe e Serbisë flasin në Bruksel kurse në të njëjtën kohë xhandarmëria serbe provokon hapur banorët e Karaqevës në territor të Kosovës.

Ka qenë banori Lah Keka ai i cili ka takuar xhandarmërinë serbe në rrugën e asfaltuar tek kthesa e fshatit Novosellë, ndryshe vend ky që njihet si territor i Kosovës, raporton rajonipress.

KKVITI

Selver Lenjani përfaqësues i Karaqevës tha për rajonipress se xhandarmëria serbe është parë e armatosur deri në dhëmbë dhe me xhipa të zi. “Ata kanë defiluar te rruga e asfaltuar nga kthesa e Novosellës me xhipa të zi e të armatosur deri në dhëmbë. Ky është provokim shumë serioz që vije në fillim të vitit 2016. Është e pakuptimtë që delegacioni kosovar në të njëjtën kohë dialogun në Bruksel, kurse është e njëjta qeveri serbe që shkel kartat ndërkombëtare. Banorët janë të brengosur sepse kjo ndërhyrje e xhandarmërisë qëllim kryesor ka zbrazjen e fshatit”.

Lenjani tha se xhandarmëria serbe ka qëndruar në territor të Kosovës afër 30 minuta. “Ky provokim i hapur ndaj banorëve shqiptarë mund të ketë një fund të keq. Andaj Qeveria e Kosovës duhet të ndërpres bisedimet ose të kushtëzojë Serbinë me largimin e menjëhershëm të patrullave ushtarake që po defilojnë në brendi të territorit të Kosovës” tha Lenjani./rajonipress/