Xhandarmëria serbe hynë edhe në Stublinë, brenda territorit të Kosovës

Gjilan – Banorët e Stublinës të mërkurën herët në mëngjes janë befasuar kur kanë parë dhjetëra xhandar e polic të uniformuar teksa kanë hyrë në brendi të Kosovës. Nexhmedin Aliu banori më i afërt i zonës kufitare tha për rajonipress se rreth 7 pizgauer me xhandar kanë hyrë brenda në fshat. Nuk kanë provokuar, por tërheqja e tyre ka ndodhur tek pas ardhjes së policisë së Kosovës tha Aliu.

Xhandarmëria serbe ka “befasuar” banorët e Stublinës mëngjesin e së mërkurës. Të papenguar rreth 7 pizgauer kanë hyrë në brendi të territorit të Kosovës raporton rajonipress.

Nexhmedin Aliu banori më i afërt i zonë kufitare tha për rajonipress se mbi 30 pizgauer ndodhen në pjesën e Dobrosinit (Serbia), kurse rreth 7 pizgauer kanë hyrë në pjesën e Kosovë në Stublinë. “Ata nuk kanë provokuar, por ne jemi frikësuar sepse ishin shpërndarë nëpër mal dhe të gjithë të armatosur. Edhe në këto momente ende janë duke biseduar me policët e Kosovës. Xhandarmëria serbe ka hyrë në fshatin tonë rreth orës 5 të mëngjesit” tha Aliu.

Banorët e Stublinës thanë se kjo është hera e parë që kështu hapur xhandarmëria serbe hynë në Stublinë.

Rajonipress ka kontaktuar edhe Nebih Aliun përgjegjës për zonën kufitare por ai nuk është përgjigjur me arsyetimin se është tepër i zënë. /rajonipress/