Xhamitë ta luajnë rolin kryesor në luftën kundër ekstremizmit
Lufta e ISIS-it nuk është luftë e drejtë dhe duhet të ndalohen aktet e dhunshme që po ndodhin çdo ditë. Ndërsa xhamitë duhet ta luajnë rolin kryesor në luftën kundër ekstremizmit fetar.
Kështu ka deklaruar sekretari i parë i Ministrisë së Jashtme të Arabisë Saudite, Mansour Almutairi, raporton KTV.
Ai ka deklaruar se Arabia Saudite është prej shteteve të para që e ka luftuar terrorizmin.
Sipas tij, kjo luftë më së miri bëhet përmes debateve dhe dialogëve ndërfetarë kundër kësaj dukurie. E një rol të rëndësishëm në këtë sipas tij, kanë edhe mediet.
Duke folur për pjesëmarrjen e kosovarëve në luftën e xhihadit, Almutairi ka pohuar se duhet të bëhet më shumë në parandalimin e përhapjes së kësaj dukurie e cila është bërë si kancer për shoqërinë.
Ai ka shtuar se më ekstremizëm po përballen të gjitha shtetet e botës, përcjell koha.net. Almutairi ka pohuar se Arabia Saudite është prej shteteve të para arabe që e ka pranuar pavarësinë e Kosovës dhe se në të ardhmen e afërt do ta hapin Ambasadën e Arabisë Saudite edhe në Prishtinë.
http://koha.net/?id=27&l=59895