Xhaka s`është gati për ekip të madh

Giuseppe Bosife, menaxher i FIFA-s dhe ekspert i futbollistëve zviceranë, ka folur për situatën e Granit Xhakës, i cili gjatë verës iu bashkua Borussia Monchengladbachut nga Baseli.

Futbollisti kosovar pëlqehet nga Juventusi, por menaxheri mendon se përfaqësuesi zviceran nuk është ende gati për një ekip të madh, pasi që i vyen përvoja, të cilën mund ta fitojë duke luajtur në vazhdimësi në një ekip mesatar.

“Xhaka vërtet është një lojtar i mirë, mund të luajë mirë në një kampionat si Bundesliga, ku përshtatet në nivelin fizik. Nëse shkon në një skuadër të madhe, Xhaka do të rrezikonte njëjtë si në Monchengladbach, sepse skuadrat e mëdha kërkojnë rezultate” deklaroi Bosife për ueb faqen italiane ‘IlSussidiario.net’.

“Për të më mirë do të ishte një skuadër që ia mundëson t’i luajë 15-20 ndeshje, që mund ta ndihmojnë ta gjejë vazhdimësinë dhe të zhvillohet në karakter”, përfundoi ai