Xhaka: S’e di çka do të ndodhë me Sanchezin, por e di që ai është shembull për të gjithë

Granit Xhaka ka thënë se vullneti i Alexis Sanchez për të fituar në stërvitje është shembull për të gjithë lojtarët e Arsenalit.

Trajneri i Arsenalit, Arsene Wenger, ka theksuar sot se kalimi i Sanchezit në Manchester United ka mundësi të ndodhë brena 24 orëve, me Henrikh Mkhitaryanin në drejtimin e kundërt, transmeton Express.

Ndërkohë, edhe Xhaka ka folur sot për Sky Sports rreth sagës së sulmuesit kilian.

“Alexis është lojtar i rëndësishëm për ne, ka klasë dhe këtë e tregon çdo javë. Do të jem i lumtur nëse qëndron”, ka thënë Xhaka.

“Shkon apo qëndron? Nuk e di se çfarë do të ndodhë. Në stërvitje, ai gjithmonë është shembull për shumë njerëz sepse gjithmonë dëshiron të fitojë pavarësisht se çfarë jemi duke bërë, ndeshje e madhe apo ndeshje e vogël. Mendoj kjo është një veçori që e karakterizon atë”, ka shtuar mesfushori shqiptar i Arsenalit. /Express/