Xhaka refuzon Bayernin
RajoniPress
23:47, 16 Korrik, 2015
Mesfushori shqiptar i Zvicrës, Granit Xhaka, i cili tani luan për Borussia Munchengladgach, thotë se nuk është i interesuar t’i bashkohet ekipit të Bayern Munichut.
Klubi bavarez thuhet se dëshiron ta marrë lojtarin shqiptar, i cili ka luajtur një rol kyç në klubin e tij aktual për kualifikimet 2015/2016 për Ligën e Kampionëve, por dhe në Bundesliga ku mban vendin e tretë, transmeton koha.net.
Por drejtori sportiv i Gladbachut ka thënë se klubi nuk dëshiron ta shesë 22-vjeçarin, ndërsa tani edhe vet ai publikisht ka premtuar se do të qëndrojë te ekipi aktual.
“Unë nuk jam duke humbur ndonjë gjë me (refuzimin) Bayernin. Unë nuk e kam zgjatur kontratën time me Gladbachu deri në 2019 pa ndonjë arsye”.
“Ne kemi punuar shumë në Gladbach për një vit dhe së shpejti ne do të luajmë edhe në Ligën e Kampionëve që është një sukses i madh për ne”, ka deklaruar ai për Bild.
