Xhaka nuk i do parat, tregon të ardhmen e tij

Granit Xhaka nuk lëvizi nga kampionati gjerman këtë janar, edhe pse u përfol se Borussia Monchengladbach mori disa oferta të rëndësishme. Natyrisht, në verë çmimi i mesfushorit do të rritet ndjeshëm, ndaj edhe Xhaka nuk ka dalë kundër klubit, duke pritur me qetësi.

Megjithatë, kosovari që luan për kombëtaren zvicerane nuk e fsheh se dëshira e tij është të shkojë në Ligën Premier.

“Anglia është ëndrra ime dhe nuk e fsheh. Nëse do të luaj atje, i mbetet të ardhmes dhe vetëm Zoti e di”.

“Unë dua të hedh një hap përpara në aspektin sportiv, jo të parave. Po të mendoja vetëm për paratë, do kisha alternativa të tjera, nga kampionate modestë, por që paguajnë shumë. Unë nuk vij nga një familje e etur për para, por nga një me karakter të fortë”, ka thënë ai për Funke Sport dhe DerËesten.

Kontrata e Granitit me Gladbahun përfundon në vitin 2019.