Xhaka në formacionin më të mirë të javës

Taulant Xhaka ka vazhduar formën e tij të mrekullueshme këtë edicion me Baselin.

Ylli shqiptar ishte titullar dhe luajti në qendër të mbrojtjes për skuadrën e tij në udhëtim tek St Gallen ku shënuan fitore të thellë 7-0.

Xhaka shkëlqeu në mbrojtje duke ndalur disa sulme të skuadrës vendase.

E përditshmja zvicerane ‘Blick’ e ka futur atë në formacionin më të mirë të javës.

Për këtë javë vetëm Xhaka nga futbollistët shqiptar zuri vend në formacionin e javës, ndërsa me lojë të mirë u dallua edhe Naser Aliji për Baselin. /Telegrafi/