Xhaka mësoi nga Botërori

Granit Xhaka thotë se mësoi shumë nga Kampionati Botëror, i cili u mbajt në Brazil.

Mesfushori kosovar e përfaqësoi Zvicrën, duke shkuar deri në të tetën e finales, që konsiderohet si sukses për “Helvetikët”.

“Botërori i Brazilit ka qenë një eksperiencë e jashtëzakonshme për mua. Shpresoj që mund t’i marr beneficionet në aspektin sportiv dhe human”, deklaroi 21 vjeçari për uebfaqen “express.de”.

Tash, prishtinasi e ka mendjen tek ekipi aktual, Borussia Monchengladbach dhe duket se nuk do të largohet gjatë kësaj vere. “Me Borussian synoj të luaj vazhdimisht dhe ta kem një sezon pozitiv”, përfundoi Xhaka.