Xhaka më i shtrenjti, lë shumë mbrapa të gjithë të tjerët në Nati

Granit Xhaka është futbollist më i shtrenjtë nga Përfaqësuesja e Zvicrës. Ai kushton 38 milionë franga, derisa Xherdan Shaqiri është në vendin e katërt me 18 milionë.

Remo kush? Pyesnin tifozët zviceranë në verë e vitit 2016, derisa dhjetë muaj më vonë ai ka kaloi në Atalanta për 1.5 milion franga zvicerane. Remo Freuler ndihmoi skuadrën e Atalantas drejt suksesit historik derisa vlera e tij është 5.8 milionë franga, shkruan ‘Blick’.

Por, cilët janë dhjetë futbollistët më të shtrenjtë të Zvicrës? Në këtë listë janë dhjetë futbollistë, në mesin e tyre edhe dy shqiptarë, përcjell albinfo.ch.

Duke shikuar vlerën e tyre sipas “Transfermarkt.ch”, në vendin e parë është mesfushori shqiptar, Granit Xhaka, i vlefshëm 38 milionë franga zvicerane, kurse në vendin e katërt është Xherdan Shaqiri, i cili kushton 16 milionë.

Xhaka kaloi nga Borussia Moenchengladbach në Arsenal për rreth 45 milionë euro, kurse Shaqiri nga Interi në Stoke për 17 milionë euro.

Në vendin e dytë është Breel Emoboli i Schalkes me 21 milionë, ndërsa Ricardo Rodriguez i treti me 18 milionë. Në këtë listë mungon Valon Behrami.

Top-10

Granit Xhaka: 38 milionë
Breel Embolo: 21 milionë
Ricardo Rodriguez: 18 milionë
Xherdan Shaqiri: 16 milionë
Yann Sommer: 9,6 milionë
Roman Bürki: 8 milionë
Silvan Widmer: 8 milionë

Nico Elvedi: 7,5 milionë
Remo Freuler: 5,8 milionë
Eren Derdiyok: 5,8 milionë

http://www.albinfo.ch/xhaka-me-i-shtrenjti-le-shume-mbrapa/