Xhaka mbetet futbollisti më i shtrenjtë shqiptar, kjo është vlera e tij e “çmendur”!

Futbollisti nga Kosova është mbret sa i përket vlerës së futbollistëve shqiptarë. Granit Xhaka është mbret i futbollit shqiptar, shkruan Gazeta Express.

Në fakt, futbollisti i Arsenalit vlerësohet si futbollisti më i shtrenjtë shqiptar.

Të paktën ky është vlerësimi në bazë të një studimi të realizuar nga Qendra Ndërkombëtare e Studimeve të Sportit (CIES) me bazë në Neuchatel të Zvicrës.

Fakti se ka pësuar rënie për dallim nga viti paraprak nuk e pengon futbollistin prishtinas të mbetet futbollisti me vlerën më të lartë.

Mesfushori kreativ vlerësohej 68 milionë euro, ndërsa tash vlera e tij është 62,9 milionë.

Xhaka është pjesë e rregullt e Arsenalit dhe lojtar mjaft i rëndësishëm i Përfaqësueses së Zvicrës qe disa vite.

Duke e pasur parasysh moshën e tij, vlera e Xhakës mund të rritet këtë vit ose në vitet në vazhdim. /Gazeta Express/