Xhaka kërkon rezultat pozitiv ndaj Stuttgartit

Mesfushori Granit Xhaka kërkon rezultat pozitiv në ndeshjen kampionale të Bundesligës që skuadra e Moenchengladbachut e luan në udhëtim kundër Stuttgartit, shkruajnë mediumet gjermane.

Kjo ndeshje zhvillohet të premten mbrëma dhe i takon javës së 13-të të Bundesligës. Aktualisht Moenchengladbach zë pozitën e katërt me 22 pikë, gjashtë më shumë se Stuttgarti që gjendet katër pozita më poshtë. “Kemi tri fitore rresht dhe kundër Stuttgartit do të kërkojmë rezultat pozitiv. Stuttgarti është rivali ynë direkt për një vend në pjesën e epërme të tabelës”, është shprehur Xhaka.