Xhaka: Flamuri për mua është i shenjtë, do e godisja ҫdo kënd për të

Taulant Xhaka shprehet i lumtur që ai dhe bashkëlojtarët e tij treguan se sa trima janë në Beograd.Anëtari i Kombëtares shqiptare, Taulant Xhaka, ka thënë se nuk ndihet pishman për ato që bëri në ndeshjen Serbi-Shqipëri.

Anëtari i Baselit thotë se do ta përsëriste ҫdo veprim të tij edhe njëherë, po të ishte nevoja.

“Unë nuk po mendoja se ҫfarë do të mund të më ndodhte mua kur fillova ta largoja flamurin tonë nga duart e serbëve. Unë isah i gatshëm ta godisja ҫdo person që e mbante flamurin tonë, sepse ai është i shenjtë për mua”, u shpreh Taulanti për mediat shqiptare, përcjell Kurir.

“Unë nuk kisha frikë. Nëse një gjë e tillë do të ndodh përsëri, unë do të veproja njëjtë. Unë jam krenar për vetën tim dhe për bashkëlojtarët, sepse në Beograd treguam se sa trima jemi”, shtoi tutje Xhaka.