Xhaka e Shaqiri me shokë e “rrënojnë” prapë Serbinë, shkojnë në të tetën e finales së Kupës së Botës

Zvicra e ka siguruar kualifikimin në fazën tjetër ndaj Serbisë për herë të dytë radhazi dhe për herë të dytë radhazi e eliminoi Serbinë.

Helvetikët triumfuan 3:2 ndaj Serbisë, duke u kualifikuar në 1/8 e finales së Kupës së Botës.

Nuk kishte si të mungonte edhe një shqiptar në listën e realizatorëve, shkruan Gazeta Express.

Ishte Xherdan Shaqiri që realizoi golin e parë në ndeshje në minutën e 20-të të ndeshjes, duke heshtur tifozët serbë që e vërshëllenin sa herë prekte topin.

Por, Serbia u rikthye me dy gola nëpërmjet Mitrovic dhe Vlahovic në minutat 26’ dhe 35’.

Në minutën e fundit të pjesës së parë, Embolo barazoi rezultatin.

Me të nisur pjesa e dytë, Freuler e kaloi Zvicrën në epërsi dhe ia siguroi kualifikimin tutje si e dyta në grup.

Shpërndaje.
© RAJONIPRESS