Xhaka dhe Sadiku në formacionin e javës në Zvicër

Ka përfunduar java e 20-të në elitën e futbollit zviceran ku ndeshja kryesore mes Grasshopperit dhe Baselit iu takoi mysafirëve me rezultat të thellë 4:0.Në këtë takim ishin të aktivizuar katër shqiptarë, Shani Tarashaj, Florian Kamberi dhe Mërgim Brahimi te vendasit, ndërsa Taulant Xhaka te mysafirët.

Taulant Xhaka ishte fantastik në këtë përballje, duke ndalur shumë aksione të vendasve dhe kjo ka bërë që ai të përfshihet në formacionin më të mirë të javës nga gazeta zvicerane ‘Blick’, transmeton Telegrafi.

Por jo vetëm Xhaka ishte në këtë formacion, pasi aty është përfshirë edhe sulmuesi Armando Sadiku i cili aktivizohet te Vaduz.

Vaduz luajti baras 1:1 ndaj Young Boys, Sadiku nuk shënoi gol por tregoi një ndeshje të mirë dhe është përfshirë në formacionin e javës së 20-të.

Formacioni më i mirë: Yvon Mvogo (Young Boys), Leonardo Sanchez (Zurich), Marek Suchy (Basel), Michael Lang, Taulan Xhaka (Basel), Anto Grgic, Stjepan Kukuruzovic (Vaduz), Breel Embelo, Matias Delgado(Basel), Armando Sadiku (Vaduz) dhe Alexander Kerschakow (Zurich). /Telegrafi/