Xhaka dëshiron të bëhet si Xavi e Zidane, ja çfarë thotë

Mesfushori i “Topçinjve”, Granit Xhaka, i sheh si model të lojës së tij legjendat e Real Madridit e Barcelonës, Zinedine Zidane e Xavi Hernandez dhe dëshiron të aplikojë lojë të ngjashme te Arsenali, transmeton Gazeta Express.

“Si mesfushor, kemi një rol shumë të rëndësishëm”, tha fillimisht Xhaka për Pro Direct.

“Prekja e parë është shumë e rëndësishme. Me të ju mund të hapni ndeshjen, mund t’i qitni prej loje dy apo tre lojtarë – duke krijuar distancë prej tyre dhe mund të vazhdoni lirshëm të bëni lojën tuaj”, shtoi ai.

“Shembull i mirë është Xavi, megjithëse nuk ishte shumë më i shpejtë se Zinedine Zidane me këtë mënyrë të lojës. Për këtë prekja e parë është shumë e rëndësishme për ne”, shtoi Xhaka.

Mesfushori shqiptar ka bërë 39 paraqitje deri më tani këtë edicion për klub dhe kombëtare. Ai ka shënuar tre gola derisa ka marrë edhe tre kartonë të verdhë. /Express/