Xhaka bëhet me skuadër të re

Është vetëm çështje orësh transferimi i Taulant Xhakës te Fiorentina.Mesfushori i kombëtares shqiptare, Taulant Xhaka ëshët shumë pranë transferimit te skuadra italiane, Fiorentina.

Këmbëngluja e trajnerit të ri të klubit vjollcë, Paulo Sousa, i ka bindur drejtuesit për të blerë futbollistin e Baselit, i cili ka shkëlqyer për skuadrën e tij dhe kombëtaren e Shqipërisë edicionin e fundit.

Nevoja për një lojtar krahu, e shtyn presidencën e Fiorentinës të hedhë hapa konkretë për të siguruar shërbimet e 24-vjeçarit.

Mediat italianë nuk kanë zbuluar asnjë detaj rreth ofertës që mund të bëjë Fiorentina, por duke marrë në konsideratë faktin që Sousa i njeh mirë cilësitë e Xhakës, pasi e ka drejtuar te Baseli, mesfushori i përfaqësueses kuqezi pritet të zbarkojë shumë shpejt në Itali.

Nga maji i 2013 është pjesë e kombëtares kuqezi, teksa është aktivizuar në katër eliminatoret e këtij viti, duke qenë një nga elementët bazë të formacionit të Gianni de Biasit.