Winterthur ZH: Kosovari i kërkuar dorëzohet pas sulmit ndaj gruas

Kosovari 34 vjeçar i kishte shkaktuar lëndime në kokë bashkëshortes së tij 24 vjeçare, po kështu me shtetesi kosovare

E diel, 12 Janar 2025 – 17:00albinfo.ch
Siç kishte raportuar policia, një grua e plagosur ishte gjetur në Winterthur-Grüze të mërkurën pasdite (8 janar 2025) .

Pak para orës 15:30, një grua e plagosur ishte raportuar në polici në lagjen Grüze, transmeton albinfo.ch. Punonjësit e shpëtimit që mbërritën shpejt gjetën një grua me lëndime në kokë..

Sipas gjetjeve fillestare, 24-vjeçarja kosovare po udhëtonte në këmbë e shoqëruar nga një burrë. Gjatë zënkës ai ka plagosur gruan në kokë. Kur një çiklist ishte afruar, burri e kishte lëshuar ​​viktimën dhe kishte ikur, shkruan polizeinews.ch. E plagosura është dërguar me ambulancë në spital.

Disa ditë më vonë, mbrëmjen e së shtunës, i kërkuari është dorëzuar në policinë e qytetit Winterthur dhe është arrestuar.

I akuzuari është bashkëshorti i viktimës, 34 vjeçar me shtetësi kosovare, transmeton albinfo.ch.

Hetimet për rrjedhën e saktë dhe motivin e krimit, të cilat janë duke u zhvilluar nga Policia e Kantonit të Cyrihut dhe Prokuroria Publike I, janë duke vazhduar.

(Foto: Policia e Kantonit të Cyrihut)
https://www.albinfo.ch/winterthur-zh-kosovari-i-kerkuar-dorezohet-pas-sulmit-ndaj-gruas/