Williamson, mes mbështetjes dhe refuzimit

Raporti i publikuar gjatë fillimit të kësaj jave për krimet e pretenduara të kryera gjatë luftës 1998-99 në Kosovë, ka ngjallur reagime të shumta nga ana e shoqërisë kosovare. Derisa përfaqësues politikë dhe institucionet e vendit kanë shprehur përkrahjen e tyre lidhur me hetimet të dala nga raporti i prokurorit amerikan Clint Williamson, Organizata e Veteranëve të Luftës së UÇK-së, ka kërkuar që ky proces të bojkotohet nga luftëtarët e lirisë.

Në një komunikatë për medie OVL e UÇK-së, e patë quajtur këtë raport si jologjik, qesharak, antihistorik, tendencioz dhe inferior ndaj luftës së pastër të UÇK-së, ushtri të cilën siç kanë thënë ata ka luftuar në trojet e veta, ka mbrojtur trojet e robëruara nga okupimi, ushtri e cila nuk ka sulmuar asnjë territor të ndonjë shteti fqinj. Të kontaktuar nga gazeta zyrtarë të organizatës edhe pse nuk kanë pranuar të deklarohen më shumë rreth këtij raporti, kanë komentuar rreth deklaratave që po japin përfaqësues të ndryshim politik dhe analistë.

Ushtruesi i detyrës së kryetarit të OVL-së së UÇK-së, Smajl Elezaj u është kundërpërgjigjur të gjithë atyre që thonë se Gjykata Speciale do të ndihmojë në heqjen e njollës që është vënë mbi UÇK-së dhe mbi shtetin. “Njollë kanë vetë këta që i janë gëzuar këtij raporti. Këta shërbyes të Rankoviqit”, ka thënë Elezaj me tone nervozizmi…(Tribuna).