20-vjeçari ka realizuar pesë gola në Premierligë në 18 paraqitje, ka dhuruar dhe një asist. Ai në total këtë sezon numëron 7 gola dhe Southmapton nga tani ka nisur punën për ta blerë krejtësisht në verë.
Ka ndryshuar karriera e Armando Brojës.
Që prej huazimit te Southampton, sulmuesi i Kombëtares shqiptare është tjetër futbollist.
20-vjeçari i ka befasuar të gjithë me formën që po tregon te klubi i ri dhe tashmë nuk mungojnë ofertat për ta blerë në verën e vitit 2022.
Sipas GOAL, siç mëson nga burime të sigurta, përveç Southampton që po bisedon me Chelsean për ta blerë përfundimisht kartonin e Brojës, interesim ka shprehur edhe West Ham.
West Ham do të tentojë ta blejë gjatë verës gjithashtu, por Chelsea vështirë se do ta lërë të largohet përfundimisht dhe do të synojë ta huazojë për një tjetër sezon. /Gazeta Express/
