Milot Rashica vazhdon ta ketë të paqartë të ardhmen e tij.
Sulmuesi kosovar prej kohësh po kërkohet nga skuadra të ndryshme evropiane, por Werder Bremen ende nuk bindur nga ofertat e klubeve të interesuara për Rashicën.
24-vjeçari ka shënuar 11 gola e ka bërë tetë asistime në 34 ndeshje zyrtare edicionin e kaluar me Werderin.
RB Leipzig, Hertha Berlin, Aston Villa, Brighton, Leeds United e Napoli janë skuadrat e interesuara për kosovarin.
Por duket se më së afërmi për të nënshkruar me Rashicën është skuadra angleze Aston Villa.
Ka qenë shefi i Werder, Clement Fritz që ka konfirmuar bisedimet me Aston Villën për shitjen e Rashicës.
“Aston Villa na ka kontaktuar për Rashicën dhe unë mund ta konfirmojë këtë. Por dua të them se ka ende shumë për tu diskutuar deri në marrëveshje përfundimtare për transferim”, ka deklaruar Fritz.
E përditshmja gjermane Sport Bild ditë më parë ka raportuar se Villa ka ofruar 18 milionë euro.
Nga ana tjetër Werder Bremen për ta lënë të lirë Rashicën është duke kërkuar 25 milionë. /Telegrafi/
