VV-ja nuk sheh arsye për reformim të shpejt

Lëvizja Vetëvendosje është në mesin e partive që ka pasur rënie në vota në zgjedhjet lokale të 3 nëntorit. Krahasuar me përqindjen e votave të fituara në zgjedhje nacionale të viti 2010, kjo lëvizje në zgjedhjet e së dielës ka shënuar rënie për 4 për qind në nivel vendi. Vetëvendosje kishte dal si partia e tretë në zgjedhjet nacionale të 2010-së duke fituar 12 për qind të votave, ndërsa në zgjedhjet e 3 nëntorit e është renditur pas AAK-së e cila ka dal partia e tretë për nga numri i votave të fituara.

Vetëvendosje të dielën ka arritur të fitojë vetëm 8 për qind të votave në nivel vendi. Edhe pse shprehen të pakënaqur me rezultatin e këtyre zgjedhjeve, drejtues të kësaj lëvizje, vlerësojnë se nuk ka arsye të bëhet ndonjë reformë e brendshme. Ata konsiderojnë se një reformë e tillë do të ndodh pas zgjedhjeve nacionale të cilat priten të mbahen vitin e ardhshëm.

Dardan Molliqaj, Sekretar organizative në këtë lëvizje, ka thënë se Vetëvendosje ka marrë pjesë për herë të parë në zgjedhje lokale dhe është e pasaktë nëse bëhen analiza dhe të thuhet se ka pasur rënie të kësaj lëvizje në këto zgjedhje…(Tribuna).