VV: Asnjëherë me Thaçin

Zërat e fundit për ridizajnim të marrëveshjes së koalicionit paszgjedhor (VLAN) nuk i ka mohuar edhe Lëvizja Vetëvendosje. Sipas tyre, një gjë e tillë mund të ndodhë por që prishje nuk do të ketë.

Sekretari i Përgjithshëm i kësaj partie, Dardan Molliqaj në një prononcim për “Zërin” nuk ka dashur të thotë ndonjë emër se kush mund të zë vendin e të nominuar për kryeministër kreut të AAK-së Ramush Haradinaj, megjithëse ditëve të fundit është përmendur se atë do ta ketë kreu i LDK-së, Isa Mustafa.

“Nuk mendoj se këto diskutime që janë bërë në publik prekin në asnjë momentin thelbin e këtij bashkëpunimi, thelbi i këtij bashkëpunimi është se nuk do të ketë Thaçi3, nuk do të ketë qeveri me PDK-në. Asnjëri nga këto katër subjekte nuk do të negociojë dhe as nuk do të takohet me Thaçin.

Ajo çka tash po ndodhë është se subjektet që kanë nënshkruar atë marrëveshje, asgjë nuk është definitive asgjë nuk është e mbyllur është ajo se për këtë çështje nuk do të ketë prishje të asnjërit prej subjekteve”, ka thënë në fund Molliqaj. /Zëri/