Vuçiqi tregoi se i urren shqiptarët, Lugina e Preshevës kërkon bashkim me Kosovën

Dy liderët e Luginës së Preshevës, kryetar i Preshevës Ragmi Mustafa dhe ai i Kuvendit Komunal të Bujanocit, Jonuz Musliu, e kanë vlerësuar historike dhe shumë të rëndësishëm vizitën e kryeministrit shqiptar, Edi Rama.

Dy liderët e Luginës së Preshevës, kryetar i Preshevës Ragmi Mustafa dhe ai i Kuvendit Komunal të Bujanocit, Jonuz Musliu, e kanë vlerësuar historike dhe shumë të rëndësishëm vizitën e kryeministrit shqiptar, Edi Rama.Duke folur në Interaktiv të KTV-së, ata kanë thënë se kjo tregon përkujdesjen që shteti shqiptar ka ndaj shqiptarëve atje.

Mustafa e ka vlerësuar skandal diplomatik sjelljen e kryeministrit serb para atij shqiptar kur i është përmendur Kosova.

“Ai (Vuçiqi) tregoi se na urren shqiptarëve edhe këtu në Preshevë. Ne nuk do të ndalemi duke kërkuar me mënyra demokratike realizimin e kërkesave tona legjitime që ka të bëjë me bashkimin me Republikën e Kosovës”, ka thënë Mustafa.

Në linjë të njëjtë ka qenë edhe kryetari i Kuvendit Komunal të Bujanocit.

“Adresat e vetme për ne janë Tirana dhe Prishtina. Nuk kemi çka kërkojmë tek Vuçiqi dhe Beogradi. Ai tregoi hapur në konferencë urrejtjen ndaj shqiptarëve. Ne do të punojmë për realizimin e asaj për çka ka luftuar UÇPMB-ja – bashkimin me Kosovën”, ka thënë Jonuzi.

Duke folur për ndihmën prej 100.000 eurove për Maternitetin e Preshevës, Mustafa ka thënë se transferi ka zgjatur katër muaj për shkak të procedurave dhe për faktin që 50.000 eurot e Kosovës është dashur të shkojnë fillimisht në Tiranë e pastaj në Bankën Popullore të Serbisë dhe në konton e Komunës së Preshevës.

Të dy kryetarët kanë kërkuar angazhim më të madh nga Prishtina për shqiptarët e Luginës. /Koha/