“Vrojtuesit e lagjes”, kontribut shtesë për institucionet e Vitisë

Viti – Në Komunën e Vitisë, është implementuar programi “Vrojtuesit e lagjes” për Qytetin e Vitisë, për fshatin Pozheran, dhe fshatin Smirë, të koordinuara përmes forumeve të sigurisë, EVSB-ve, dhe vullnetarëve që janë në teren.

Hapjen dhe prezantimin e Programit për vrojtuesit e lagjes, e bëri Koordinatori nacional, pran ICITAP-it, Eldin Buzgovic.

Komandanti i Stacionin Policor në Viti, Afrim Halili, përshëndeti programin për vrojtuesit e lagjes, dhe falënderoj ICITAP-in Amerikan, për iniciativa të tilla, që sigurisht programet, apo dhe trajnimet për vrojtuesit e lagjes do të jenë një kontribut shtesë, për institucionet tona Komunale, për PK-në, dhe për shoqërinë në përgjithësi.

Komandanti falënderoj edhe EVSB-në, e Vitisë, për punën, përkushtimin, dhe bashkëpunimin e mirë me Policinë e Kosovës.

Zyrtari policor, nga drejtoria e Policimit në Bashkësi dhe Preventivë, tregoj për punën dhe rolin e kësaj Drejtorie, ai tha se ne jemi këtu që të punojmë të gjithë së bashku, për të ruajtur njëri t’jetrin, të luftohen dukurit negative etj.

Ai tregoj për bashkëpunimin e ngushtë me ICITAP-in Amerikan, me Stacionin Policor në Viti, dhe po ashtu një falënderim i veçantë shkon edhe për Ekipet Vepruese për Siguri në Bashkësi.

Koordinatori nacional pran ICITAP-it, elaboroi gjerë e gjatë për programin e”Vrojtuesit të lagjes”, dhe shpjegoj me përpikëri për punën dhe rëndësinë e vrojtuesit të lagjës. Para të pranishmëve, gjatë trajnimit, të gjithë u njoftuan drejtpërdrejt për rolin e tyre, detyrat dhe përgjegjësit që kanë.

Koordinatori i EVSB-së, për Komunën e Vitisë, falënderoj ICITAP-in, Amerikan, për mbështetjen dhe përkrahjen e vazhdueshme, dhënë EVSB-ve, në nivel vendi.

Po ashtu falënderoj PK-në, e cila sa herë është e gatshme të bashkëpunoj, koordinoj, dhe bashkëveproj me EVSB-në.

Mbështetja nuk ka munguar as nga institucionet Komunale të Vitisë, konkretisht nga Kryetari i Komunës, Sokol Haliti, i cili gjithnjë ka mbështetur në forma të ndryshme EVSB-në, për realizimin e projekteve të shumta.

Në fund të këtij programi, dolën të trajnuar me dhjetëra vrojtues të lagjes.
EVSB, falënderoj të gjithë të pranishmit, për kontributin e dhënë, dhe për punën e jashtëzakonshme të tyre.

Është kënaqësi të punohet dhe vazhdohet edhe me aktivitete t’jera të përbashkëta, theksoj Emërllahu, koordinator i EVSB-së, për Komunën e Vitisë, Imri Emërllahu./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).