Vrasjet serbe në Bresalc

Nga Demir Krasniqi

Po m’ qanë zemra me gjithë palcë –
Kur kujtoj fshatin Bresalc !
Më 10 Prill 1999 –
Forcat serbe krime banë !

Forcat serbe me ushtarë ,
Me policë , paramilitarë –
Vranë pafajshëm 5 shqiptarë ,
Kështu kanë thanë shumë dëshmitarë !

Tmerrin si janë vra shqiptarët –
Kanë treguar dëshmitarët !
Me sy t’ vet që i kanë parë –
Ushtarë , policë , paramilitarë !…

N’ ato vende ku këndojnë bylbyla –
Na është vrarë Hasan Sefë Syla !
Çiftelisë ku i ndërronin dyzenin –
Vranë Bahtir Ejup Hysenin !

N’ ato gurra ku rrjedhin ujin –
Vranë Feride Zejnullah Mujin !
Ku kullosin larushe e bala –
U vra Servet dhe Faik Shala !

Në Bresalc , afër Gjilanit –
Hynë kasapët e serbijanit !
Mbi shqiptarë namin e bani –
N’ ballë iu prinë Zara e Dragani !

Zara Arizanoviq
Dhe Dragani i Parallovës –
S’ donin t’ linin t’ gjallë kund hiq ,
Asnjë shqiptarë të Kosovës !…

II.

Shabi Shaban Selimi , shpesh e ka dëshmuar –
I plagosur n’ këtë ofensivë , por i mbijetuar !
Thotë Feride Mujin e kam parë shumë afër tërthorë –
Derisa është vrarë me Gulinov kundërajrorë !

“Më datën 10 Prill 1999 –
Fshatin Bresalc e kanë sulmuar nga të gjitha anët !
Rreth 100 ushtarë serbë e kanë sulmuar –
Kështu Shabi Selimi , gjithmonë ka dëshmuar !”

“Kështu Feride Muji , nga pushkët është qëlluar –
Nga plumbat e armikut , në vend jetë ka ndërruar !
Dhe Arife Muji , kunata e Feride Mujit –
Thotë se është vrarë tek vendi :“ Zabeli i Baqukut” !

Dhe Albert Miftari , tre muaj që kishte lindur –
Me tre plumba t’ shkavit , n’ djep ishte goditur !
Me tre plumba ishte goditur dhe kishte shpëtuar –
Vdekjes së trishtueshme i ka mbijetuar !

Feridja , është qëlluar nga serbët prej një shpatit –
Me armë zjarri nga drejtimi i varrezave të fshatit !
Ku ishin pozicionuar forcat serbe paramilitare –
Për të vrarë çdo qenie njerëzore shqiptare !

“ N’ atë moment , Feridja po kërkonte çare –
Me fëmijët e saj : Valbonën 18 vjeçare ,
Vajzën Miradijen 15 vjeçare ,
Nisretin 13 vjeçar , Labinotin 10 vjeçar !

Feridja , me plumba kur ishte qëlluar ,
Fëmijëve të saj iu ka sugjeruar –
Që ta vazhdojnë rrugën , sa ma shpejt të ikin
Dhe pas pak minutash , ajo ka dhënë shpirtin “!

Kjo Feride Muji , ka qenë e përdhosur ,
Xhezide Miftari , ka qenë e plagosur !
Nga plumbi që i ra Xhezide Miftarit –
I ka depërtuar dhe Albert Miftarit !

Për Bahtir Hysenin , Shabiu ka treguar –
Paramilitarët që t’ ndalet e kanë urdhëruar !
Ai , urdhrat e tyre nuk i ka respektuar –
Me një breshëri plumbash e kanë pushkatuar !

Mustafë Hyseni , djali i Bahtirit t’ ndritur –
Ka treguar babai i tij , se si është goditur !
Me një plumb pas veshit t’ majtë që nuk u ndal –
Pastaj i është dhënë në gjoks dhe një rafal !

Mustafa dyshon në dy serbijan –
Të quajtur Dragan dhe tjetri Serxhan !
Kanë bërë regjistrimin e banorëve n’ fshat –
Babai im , prej tyre përjetoi këtë fat !

“Ditën kur ka vizituar shtëpinë , babai im –
Ne , ishim t’ strehuar n’ male për shpëtim !
Mbi 38 vite ka punuar n’ Beograd –
Si toger rezervë , ai ka pasur gradë“!

N’ këtë operacion të serbëve t’ prirë prej krimi –
Atë ditë është plagosur edhe Nehat Selimi !
Nehati , ka marrë shtatë plumba në trup –
Nga armiku dorë zi edhe i pa turp !

Për Hasan Sefë Sylën , si i erdhi vdekja –
Ka dëshmuar djali i tij , Avdullah Sefa !
I lindur më 1946 ,
Që babanë e vet shumë e kishte dashtë !

Sipas Avdullahit , babai i tij është vrarë –
Nga një grup i serbëve paramilitarë !
Tek vendi i quajtur :“Llazina” nën pisha –
Që dyshohet se është vrarë nga kriminel Sinisha !

Një polic Sërxhani ishte nga Llabjani –
Për krimet e tija , ndjeu mbarë Gjilani !
Dhe polic Dragani ish nga Parallova –
Për krimet e tija , ndjeu mbarë Kosova !

Më 10 Prill 1999 –
N’ Bresalc , Shaban Syla është plagosur rënd !
Për te , Taip Muji shumë herë ka thanë –
Është plagosë më 18 Prill 1999 !

Ai , thotë është goditur me plumba dum – dum ,
Në krahun e majtë që ka pasur dhimbje shumë !
Nga plumbat e forcave serbe , përjetoi jetë t’ gjatë –
Ai , sot e ka amputuar n’ trup krahun e djathtë !

Vrasja e Servet Shalës , nga fshati Ponesh –
Më 16 Prill 1999 , është kryer n’ mes nesh !
Tregon Enver Shala , për këtë vrasje t’ rëndë –
Thotë : “N’ ditën kritike , Serveti peng është zënë !…

Nga forcat e mëdha serbe , që ishin ushtri –
Së bashku me Servet Shalën , edhe familjen e tij !
Rreth 120 ushtarë serbë kanë marrë pjesë n’ mes nesh –
N’ ofensivë të tmerrshme në fshatin Ponesh !”…

Serveti , është ekzekutuar prej plumbave t’ rrebeshit –
Në vendin e quajtur :“Quka e Poneshit” !
Në vrasjen e Servetit , Shala na thotë shpesh :
“Kanë qenë t’ përfshirë dy polic nga fshati Ponesh !”

Gjilan, më 10.04.2019.
Demir Krasniqi