Vrasjet nëpër fshatra të Karadakut

Nga Demir Krasniqi

Marsi edhe Prilli i vitit 1999 –
Plagë të dhimbshme na ka lanë !
Me plot vrasje e derdhje t’ gjakut –
Nëpër fshatra të Karadakut !…

Amanet na e lanë të parët ,
Si i shpjeguan dëshmitarët ;
Derisa n’ këtë jetë të rrojmë –
Këto viktima mos t’i harrojmë !

Masakrat e Llashticës dhe Lladovës –
Tmerr të madh i lanë Kosovës !
Por dhe fshatrat e Karadakut –
Nuk shpëtuan pa u skuqë prej gjakut !

Nëpër fshatra në këto male –
Ndodhën vrasje individuale !
Krimet serbe nuk janë ndalë –
Shaqir Veliun e vranë n’ Nasalë !

Edhe në fshatin Shurdhan ,
Forcat serbe banë zijan –
Dy vëllazëri aty i vranë ,
N’ forma t’ krimit shumë të ranë !…

Vranë Muharrem Hazir Demirin ,
Bashkë me t’ vëllain Jetish Hazir Demirin !
Dy vëllezërit Demiri janë ekzekutuar –
Që të dy janë djegur dhe karbonizuar !

Në shtëpinë e tyre , në fshatin Shurdhan –
Paramilitarët serbë , zjarrin ua dhanë !
Dy vëllezërit Demiri , n’ shtëpi t’ vet i ngujuan –
Ia vunë flakën shtëpisë , për së gjalli i shkrumbuan !

Nga ushtria serbe zullumin që e shtriu –
Në fshatin Dunavë është vrarë Ymer Nasuf Kadriu !
Ymer Kadriu likuidohet nga forcat paramilitarëve
Dhe ushtria serbe te vendi i quajtur “Ura e Dunavëve” !

Nebih Abaz Nebihu nga fshati Dunavë –
Nga forcat paramilitare , n’ shtëpinë e tij është vrarë !
Në shtëpinë e tij , ku është pushkatuar –
Trupi i tij është gjetur krejt i masakruar !
Ramiz Ibrahim Limani në fshatin Pidiq –
Forcat serbe e vranë n’ Seferaj edhe aty vdiq !
Ramizi , n’ Seferaj është gjetur i masakruar –
I ishte prerë koka , pranë shtëpisë ku kishte qëndruar !

Musa Jetish Veseli , nga Stanqiqi kishte mbërri –
Që t’ ia bënte një vizite n’ Shurdhan , motrës së tij !
Kapet nga paramilitarët serb dhe vritet me egërsi –
Pas vrasjes , trupin e tij e kanë djegur në tërësi !

Sabedin Sejdi Hamiti nga fshati Goden –
Kish marrë rrugë kufirin që ta kapërcen !
Derisa po kalonte kufirin e kësaj trevës –
Është vrarë në fshatin Norqë të Preshevës !

Hasan Ilmi Maloku , me një moshë të brishtë –
Nga bishat e egra serbe , është vrarë në fshatin Selishtë !
Martirëve të kombit lavdi do t’ iu këndojmë ,
Me veprat më të shtrenjta gjithmonë do t’i nderojmë !

Gjilan, 2019
Demir Krasniqi