Vrasja mizore e dy vëllezërve Saqipi nga Dobrosini
RajoniPress
14:54, 2 Shkurt, 2020
Teksti, muzika dhe interpretimi : Demir Krasniqi –
Më 26 Janar të vitit 2000 –
Në mënyrë më mizore u vranë dy vëllazëri !
Nga vrasja mizore e dy vëllezërve martirë :
Isa e Shaip Saqipi – dy vëllezër të mirë !
N’ hyrje t’ fshatit Dobrosin , n’ këtë fshat Legjendar –
Nga policia serbe , këta dy vëllezër janë vrarë !
Pa pas hak , as hile , veç pse qenë shqiptarë –
Kriminelët serbë , këta djem na i kanë vrarë !
Gjithë kah ka shqiptarë anë edhe mbanë globit –
Seç po jehon kënga e martirëve të kombit !
Seç po jehon kënga , si vala e Drinit –
Për vëllezërit Saqipi , nga fshati i Dobrosinit !
Po këndojnë bylbylat nëpër maje t’ pipit –
Po iu këndojnë Isës dhe Shaip Saqipit !
Vëllezërit Saqipi , këta dy veprimtarë –
E flijuan jetën si dy atdhetarë !
Kjo vrasje e madhe , tragjedi për fshatin ,
La familjen pa dy djemtë , që ua këputi fatin !
Policia serbe , na i vrau dy trima –
Dy vëllezërit Saqipi , lanë 9 fëmijë jetima !…
Të njëjtën ditë doli n’ skenë UÇPMB-ja –
Të cilën për Liri , e krijoi ideja !
16 muaj rresht i ngjeshi radhët e veta –
Nga Dobrosini deri n’ Tërrnoc , si trima me fleta !
Duke marrë pjesën dërmuese të Komunës së Bujanocit –
Nën kontroll nga Dobrosini deri tej Tërrnocit !
N’ luftë n’ këto fshatra të Luginës edhe të Malësisë –
Gjithsejtë 28 dëshmorë, ranë n’ Altarin e Lirisë !
Vrasja e vëllezërve Saqipi , n’ mënyrën më mizore –
U bë gurëthemel i luftës , për liri t’ Kosovës Lindore !
Kështu në fshatin Dobrosin , te varrezat e dëshmorëve –
Martirëve, vëllezërve Saqipi , nderime iu bëhen prore !
I përjetshëm qoftë kujtimi për martirët vëllezërit Saqipi
Dhe të gjithë dëshmorët e kombit , që për ne Liria shndriti !
Lavdi u qoftë për jetë e mot , që për ne nuk pikojnë lot !
Gjithmonë qofshin t’ respektuar dhe të pa harruar dot !
Që nga Bashkësia Lokale e fshatit të Dobrosinit ,
Nëpër bjeshkë e nëpër male të Kosovës e Dukagjinit ,
Nga Rrafshi i Pollogut , Çamërisë dhe Shqipërisë ,
Lavdi u qoftë nga të gjitha trojet e mbarë Ilirisë !
Gjilan, më 26 .01. 2020
Demir Krasniqi
