Vrasja e vëllezërve Saqipi nga Dobrosini

Teksti, muzika dhe interpretimi : Demir Krasniqi

N’ male t’ Karadakut, atje buzë kufini –
Një fshat i marakut, quhet Dobrosini !
Si uji në gurra, ky fshat i malësisë –
Ka rritur shumë burra – yje të trimërisë !

Dobrosini ishte sofër e mikpritjes ,
Çerdhe e burrërisë dhe e bujarisë !
Nuk i trembej sulmeve , jo as kryengritjes –
Nuk kursente jetëra për luftëra të lirisë !

Dy vëllezërit Saqipi , shkau na i preu në besë
Dhe na i likuidoi me vrasje mizore !
Erdhi dalja n’ skenë e UÇPMB-së –
Ringjallje e shpresës n’ Kosovën Lindore !

26 Janari i vitit 2000 ,
Për Dobrosinasit – popullatë shqiptare –
Ishte ditë e ftohtë , toka ishte ngri ,
Mbetet ditë e dhimbshme , aq edhe krenare !

Ishit udhërrëfyes , se si duhet të jetohet njerëzisht ,
Ju jetoni me ne , e ne jetojmë juve duke ju kujtua !
Se si duhet kjo jetë të kalohet ndershmërisht –
Vajza e dëshmorit Isa Saqipi – Samirja , kështu ka shkrua !…

Vëllezërit Saqipi ishin djem të urtë –
Vrasja e tyre e bëri më të fortë recistencën e shqiptarëve me besë !
Të sinqertë , punëtorë , shumë të respektuar dhe kudo të butë –
Duke u mobilizuar rreth UÇPMB-së !

Vëllezërit Saqipi , tani janë legjenda të gjalla ,
Sepse për ta flitet e këndohet kudo këngë krenare !
Trimëria e tyre nuk tregohet në përralla –
Ata kanë mbet historia e kësaj ane shqiptare !

Samire Saqipi , është vajza e Isa Saqipit –
Ajo përkujton çdo përvjetor pa vaj !
Përkujton me mall e dashuri të shpirtit –
Mungesën e babait dhe xhaxhait të saj :

“Unë gjithmonë jam me ata – Samirja ka thënë ,
Ata janë t’ pavdekshëm , do t’ kujtohen dhe nderohen !
Gjithmonë jam me veprat e tyre t’ mira që na i kanë lënë –
Sa të ekzistojë historia shqiptare . ata kurrë nuk do t’ harrohen !

Jam krenare që jam bija e dëshmorit, vajzë shqiptare
Dhe kurrë nuk do të ndalëm duke promovuar histori ma t’ mira ,
Që janë n’ rrugë të mbarë dhe përparimtare –
Sa të dhimbshme , aq edhe krenare ” – shprehet Samirja .

“Sa shumë dhimbje ne që kemi , aq jemi krenarë për ju ,
Burrëria , mençuria dhe drejtësia , ishin personaliteti i juaj thellësisht ,
Që na bënë ne përgjithmonë , që të mburremi me ju –
Ishit udhërrëfyes mjerisht , se si duhet t’ jetohet njerëzisht ?!

Se si duhet të jehohet , sa ma ndershmërisht kjo jetë –
Ju jetoni me ne dhe ne jetojmë juve duke ju kujtuar !
Ju Babush e Xhaxhi im , pushoni n’ amshim të qetë ” –
Kështu pos tjerash , Samirja ka shkruar !…

Kjo vrasje mizore e vëllezërve Saqipi
Dhe dalja në skenë e UÇPMB-së ,
Shënojnë një ngjarje të rëndësishme shqipi –
Për mbarë shqiptarët sa janë me besë !

26 Janari i ftohtë i vitit 2000 ,
Për Dobrosinin dhe mbarë Shqiptarinë –
Mbetet ditë e dhimbshme plot me krenari ,
Në çdo përvjetor janë shprehur , t’ gjithë ata që e donë lirinë !

“Falë kësaj dite , Dobrosini me burrërinë përparimtare –
Hyri n’ historinë e Shqiptarëve me besë :
Rënia e vëllezërve Saqipi në rrugën luftëtare –
Të cilët u bënë shkak i UÇPMB-së !

Për mbrojtje të popullatës , fuqishëm për t’u mobilizuar ,
Që nuk e ka pavarësinë, shtetin , as ushtrinë –
Nga hordhitë serbe të cilët si humbës , nga Kosova ishin larguar
Dhe ushtronin dhunë në vendbanimet Shqiptare në Luginë !

Dobrosini për 18 muaj strehoi në shtëpitë e veta UÇPMB-në
Dhe nuk kursyen asgjë , vetëm e vetëm që kjo pjesë Shqiptare ,
Njëherë e përgjithmonë të jetë e lirë , me shpresë dhe me besë –
Që t’i bashkohet trungut të vet Kosovës legjendare !

Dobrosini meriton të nderohet përjetësisht mbarë globit ,
Sepse n’ zemrën e tij pushojnë trimat nga vatani :
Martirët vëllezërit Saqipi dhe Dëshmorët e popullit –
Daut Sulejmani , Artan Abazi e Berat Sinani !

Ka merituar t’ investohet në këtë fshat me male –
Popullata e këtij fshati legjendarë e heroik plotë me trimëri !
Ka merituar përkujdesje të veçantë institucionale –
Lavdi vëllezërve Saqipi dhe gjithë dëshmorëve të rënë për Liri”!

Gjilan, më 25 .01. 2021 v.
Demir KRASNIQI