Vrasja e Hasan Prishtinës në Selanik

Nga Demir Krasniqi

Më 14 Gusht 1933 –
Shkruan gazeta “Maqedonia e Re” !
Një ditë pasi u vra, trim Hasan Prishtina –
U trondit Selaniku edhe mbarë rrethina !

Pra, më 13 Gusht 1933 ,
N’ Selanik ka ndodhur një ngjarje e re –
U vra Hasan Prishtina , erdhi lajm ndër ne ,
Vaj e lot vërshuan kudo mbi këtë dhe !

Shkruan gazeta greke “Maqedonia e Re”:
“Një vdekje tragjike ka ndodhur ndër ne !
U vra Hasan Prishtina , i shquari atdhetar ,
Që njëherësh ishte politikan i madh shqiptar !

Në rrugën Çimisqi , në qoshen Vogaxhiku –
U vra Hasan Prishtina – u trondit Selaniku !
Hasani u vra para bakallhanes “IVI” –
N’ Selanik u trembën pleq edhe të ri !

Shqiptari Ibrahim Çelo , 38 vjeçar –
Midis Selanikut bëri krim t’ pa parë !
Qëlloi me pesë plumba ish Kryeministrin shqiptar –
Hasan bej Prishtinën – atë atdhetar !

Më datë 13 Gusht 1933 –
N’ ora 2 mbas dite u krye kjo vrasje e re !
N’ rrugën Çimisqi , mu në Selanik –
Një zotëri i moshuar dhe shumë simpatik !

Ishte shumë vital , veshë e mbathur mirë ,
Një figurë e gjallë , që fliste me dëshirë !
Ecte krah përkrah me një person që fjalosej –
Nga toni i zërit t’ gjallë , zuri të tradhtohej !

Arritën n’ kryqëzimin e rrugës Çimisqi – Vogaxhiku
Dhe morën drejtimin për tek bakallhane “IVI” !
Në largësi dy hapa nga kinkaleria Janopullo –
Në ato momente gjithçka do t’ rrotullo !

Në atë vend njeriu me pamje të zymtë –
Rrufeshëm e nxori revolverin “SMITH” !
Drejt bashkëbiseduesit shtiu me rafal –
Ishte Hasan Prishtina , që ra në trotuar !
Kalimtarët e mbledhur nga të dy të shtënat –
Në çdo çosh të rrugës i kishin zënë venat !
Panë vrasësin mizor , që turrej mbi viktimën –
Që donte ta vriste shpejt Hasan Prishtinën !

Donte që t’i zbrazëte dhe tre plumba tjerë –
Dy n’ kraharor , një n’ kokë – mbi atë të mjerë !
Si e shtënë vdekjeprurëse , n’ këtë akt të përplasjes –
Për t’ qenë i sigurt për përfundim të vrasjes !

Vrasësi fill pas krimit , plumba që kishte shkrepur ,
Që t’i ikë rrezikut prej turmës së mbledhur ,
Që u vu për ta kapur – ia dha vrapit , iku –
Me shpejtësi n’ drejtim kah rruga Vogaxhiku !

Nga tronditja e tij e madhe prej belaje –
Ai ra në vitrinën e tregtores “Beharnae” !
Të cilës tregtore , ai ia dëmtoi tendën –
Por , shumë shpejt në ikje e rimori veten !

Për t’u turrur rrugës “Paleon Patron” –
Ku u rrethua nga turma , me shpresë që t’ shpëton !
Vrasësi hyri në banesën e mjekut Dukidhis –
Ku dhe ju dorëzua rojës së policisë !

Por , s’ mundi t’i shpëtojë egërsimit t’ turmës –
Që kishin vërshuar në çdo cep të rrugës !
Kalimtarët e rastit në çdo hap e ndoqën
Dhe banuesit fqinjë me ta u përpoqën !…

Ishin të çdo shtrese , pleq edhe të rinj –
Asnjëri nuk dinte për identitetin e tij !
Nuk dinin arsyet e kësaj përplasje
Dhe as për motivet pse ndodhi kjo vrasje ?!

Ishin t’ indinjuar shumë ndaj egërsirës ,
Që e tregoi vrasësi n’ vepër ndaj viktimës !
Brohorisnin para skuadrës së policisë :
“ Shqyeni , shqyeni , vrasësin që na ka kërdisë !”

Ndërsa dhe polici përjetonte zorin –
Më kot përpiqej të shpëtonte atentatorin !
Turmat e grushtonin me vrapin e turrit –
Duke i shkaktuar mavijosje trupit !

Do ta kishin çarë , do ta kishin gri –
Nëse s’do t’ arrinte t’ hynte n’ një shtëpi !
Ajo shtëpi ishte n’ rrugën “Paleon Patron” –
Ku shpresonte vrasësi kokën ta shpëton !

Zoti i shtëpisë aty e strehoi –
T’ ua mbyllë derën e jashtme me shpejtësi nxitoi !
Zoti i shtëpisë shpresonte ta shpëtojnë –
Nga turmat e zemëruara që t’ mos e sulmojnë !

Sapo e mbylli derën zoti i shtëpisë –
Në vend t’ ngjarjes mbërriti sekretari i Policisë !
Nëntoger Zografo me motoçikletë –
Vrasësin n’ Polici e çuan n’ Seksion të tretë !

Për Hasan Prishtinën , të mposhtur nga plagët –
Për dërgim n’ Spital , po priteshin radhët !
N’ Spital Popullor e dërguan te mjekësia –
Ku trupit të tij , iu bë autopsia !

Në orën 2.50 minuta mbas dite n’ punime –
Oficeri Sotiriu me përkthyes nisi hetime !
Sapo e filloi punën në atë pasdreke –
S’ pari e pyeti vrasësin :”A e njeh gjuhën greke ?”

Vrasësi iu përgjigj pa një fije frike –
Thotë se gjuhë amtare e ka gjuhën shqipe !
Se e njeh mjaftueshëm dhe gjuhën frëngjishte ,
Si dhe pjesërisht njeh gjuhën turqishte !

Vrasësi për aktin fliste pa fije frike –
Se iu dedikohet motiveve politike !
Nga ish Kryeministri nuk e kemi pritë –
Se do t’ devijojë , do t’ bëhet komitë !…

Këtë komitë tradhtare , si të mos e vras –
Bashkëpunonte me komitetin bullgaro – maqedonas ?!
Ta vrisnin Ahmet Zogun , mbretin e Shqipërisë –
Për qejf t’ Bullgarisë dhe t’ Maqedonisë !

Thotë Ibrahim Çelo :”Para se këtu mbërrina –
Planet për këtë vrasje m’ i tregoi Hasan Prishtina !
Para pesëmbëdhjetë ditëve bashkë kur jemi nisë –
Që të vinim bashkë nga Vjena e Austrisë !…

Gjatë tërë këtij rrugëtimi më bënte presion –
T’ bëhesha kryetar i bandës komitë dhe t’ shkoj në aksion !
Të shkoja n’ Tiranë me komita logu –
Ku unë do ta vrisja mbretin Ahmet Zogu !”…

Prapë Ibrahim Çelo , vazhdoi të deklaroi :
“Se Hasan Prishtina , shpërblim më premtoi !
Hasani m’ premtoi shpërblim t’ madh mujor –
Nëse mbretin Zog , unë e vras me dorë !…

Mbas aktit të vrasjes , si një dekoratë –
Një shpërblim të madh do ta kesh dhuratë !
Por , unë kundërshtova këto propozime
Dhe i refuzova t’ gjitha këto shpërblime !

Se jam pro regjimit të mbretit shqiptarë –
Që është Ahmet Zogu – mbreti ynë i parë !
S’ doja t’ bëhem vegël e Hasan Prishtinës –
Të bëhem tradhtar , t’ vras mbretin pas shpinës !”…

Në Nikea t’ Francës , Ibrahim Çelo jetonte –
Si tregtar i frutave atje po punonte !
Me një grua spanjolle ishte n’ bashkëshortësi ,
Në martesë me te , kishte tre fëmijë …

Në Nikea t’ Francës , ku ishte duke jetua –
Me Hasan Prishtinën , bashkë ishin njoftua !
Me Hasanin bënin jetën mërgimtare –
S’ bashku kishin lidhë marrëdhënie familjare !

Gjatë njohjes mes tyre , atje në mërgim –
Hasani i kishte treguar shumëçka për përjetim !…
Vështirësitë dhe përjetimet që kur s’ ishte në Shqipëri
Dhe çfarë kishte përjetuar në Turqi e Bullgari ?!…

Në Turqi pat gjetur disa miq të vjetër –
Bashkëluftëtarë t’ devotshëm që s’ mendonin tjetër !
Atje mundi edhe puna , nuk i shkonin huqe –
Që të veproi pa u ndalë n’ luftë kundër xhonturqve !

Derisa ai në Turqi, ishte në kurbet –
Mori pjesë në një shoqatë që ishte e fshehtë !
Me bashkatdhetarët e vet , për çështjen shqiptare –
Nuk pushonin ditë , as net për çështjen kombëtare !

Gjilan, më 19.07.2017.

Demir Krasniqi