Vraponi rregullisht, për fizik dhe disponim

Është thënë dhe vërtetuar shumë herë që ushtrimet fizike sigurojnë një shëndet të mirë.

Studime kanë zbuluar se ushtrimet e rregullta, 150 minuta në javë, veçanërisht vrapimi ka efekte shumë më të mira në shëndet.

Ndër të tjera, vrapimi të bën më të lumtur

Një studim i vitit 2006 i publikuar në Medicine & Science in Sports & Execise, kishte zbuluar se 30 minuta në shirit vrapues mund ta ndryshojnë qëndrimin menjëherë te dikush që ka probleme me depresion, duke e bërë atë më të lumtur.

Vrapimi ndihmon në humbjen e peshës

Siç dihet, ushtrimet fizike ndihmojnë në djegien e kalorive pra në humbjen e peshës. Për djegien e kalorive, vrapimi padyshim që është ndër ushtrimet më të rekomandueshme.

Vrapimi i forcon gjunjët dhe eshtrat e tjerë

Hulumtuesi i Universitetit të Bostonit, David Felson, në një intervistë për National Public Radio kishte deklaruar se vrapimi e përmirëson shëndetin e gjunjëve dhe jo vetëm.