“Vrapimi i Qytetit Gjilani 2018” fitues Çlirim Hyseni e Luljeta Shala

Gjilan – Për nder të Pranverës Studentore 1981, sot qyteti i Gjilanit kishte festë të atletikës duke marrë pjesë rreth 400 atletë në kategori të ndryshme.

Drejtoria për Sport e Komunës së Gjilanit, edhe njëherë dëshmoi me organizim të mirë në bashkëpunim me Policinë e Kosovës njësiti në Gjilan ndërsa pjesëtarët e FSK-së dëshmuan gatishmëri të lartë për gjatë tërë garës.

Në një konkurrencë të fort gjerë te caku, atletët në të gjitha kategoritë treguan vrapim cilësor.

Atleti nga Mitrovica, Qlirim Hyseni i klubit Trepca’89 në shtegun 11,300metra ishte më i miri dhe pa konkurrencë, ndërsa në kategorinë e femrave më e mira ishte atletja nga Podujeva e klubit Llapi, Luljeta Shala.

Madhështor vrapimin e Gjilanit 2018 e bën nxënësit e shkollave të Komunës së Gjilanit, nga shkollat e mesme më i miri ishte nxënësi i shkollës Arbëria, Laurant Shkodra, ndërsa në konkurrencën e femrave epiteti i më të mirës në 2,000 metra i takoi Diellza Vokshi e shkollës Arbëria.

Tek nxënësit e shkollave fillore më i miri ishte nxënësi Yll Bekteshi nga shkolla “Ibrahim Uruqi”, ndërsa tek femrat më e mira ishte Gonxhe Halimi e shkollës “Rexhep Elmazi”.

Madhështor këtë vrapim e bën personat me aftësi të kufizuara edhe kësaj radhe triumfoi Abdyl Ibishi në 800 metra njeherit ishte triumfi i 17 i tij në këto vrapime.

Edhe veteranët treguan cilësi të lartë të vrapimit, atleti nga Rogana Fitim Kryeziu me sukses të madh shtegun 4,300 metra e kaloi pa probleme.

Fituesi i këtij vrapimi nga Mitrovica 19 vjeqari Qlirim Hyseni ka theksuar.
“Ishte organizim shumë i mirë poashtu edhe shtegu, konkurrenca ishte mjaft e fort por kësaj radhe isha më i miri, isha i përgatitur për këtë garë dhe jam i lumtur që kam ngadhënjyer”.

Pranvera Studentore 1981 “Vrapimi i Qytetit Gjilani 2018” ka kaluar pa asnjë problem./rajonipress/