Vrapim historik të shtunën Zhegoc – Varrezat e Dëshmorëve në Gjilan

Gjilan – Edhe pse në kushte atmosferike të rënda, dashamirët e Atletikës të shtunën me 3 mars duke filluar nga ora 10 mund t`i bashkëngjiten vrapimit 20 km, për të nderuar Dëshmorët e Kombit të rënë për lirinë e shtetit të Kosovës. Protagonisti kryesor i këtij vrapimi është 65 vjeqari Abib Aliu, i cili njeherit mbron ngjyrat e Kombëtares së Gjermanisë për veteran, i cili do të vrapon për të nderuar Dëshmorët e Kombit.

Atleti i mirënjohur me prejardhje nga Zhegoci, Abib Aliu, i cili tani e 25 vite jeton në Gjermani është mjaft i nderuar që këtë shteg ta vrapon në shenjë të Dëshmorëve të Kombit.
“Është një ndjejnë e veçantë të vraposh për nder të Dëshmorëve të cilët dhanë me të shtrenjtën jetën e tyre për këtë vend dhe për këtë popull, i ftoj të gjithë dashamirët të cilët merren me atletikë të na bashkëngjiten në këtë vrapim historik i cili është simbolik me atë se çka kanë bërë Dëshmorët e Kombit për këtë vend”.

Abib Aliu një emër i njohur në atletikën evropiane i cili ka vrapuar në shumë maratona dhe gjysmë maratona, ka falënderuar Policin e Kosovës njësiti në Gjilan i cili do të siguron përcjelljen e tij si dhe Departamentin e Sportit të Komunës së Gjilanit, për përkrahjen e dhënë gjatë këtij vrapimi./rajonipress/