Voton Lutfi Haziri, apelon qytetarët që t’i shfrytëzojnë orët e mbetura për votim

Gjilan – Kryetari i Shtabit Zgjedhor të Lidhjes Demokratike të Kosovës, njëherësh udhëheqës i politikave të partisë në këtë fazë, Lutfi Haziri, ka votuar sot në shkollën fillore “Abaz Ajeti” në Gjilan.

Haziri me këtë rast ka thënë se është i kënaqur me procesin, ndërkaq ka apeluar qytetarët që t’i shfrytëzojnë edhe orët e mbetura për votim.
“Urimi im është që vota e tyre të zgjedh organet shtetërore dhe përfaqësuesit e tyre legjitim e kredibil. Në këtë ditë të bardhë, ata vendosin se kush do të qeveris në mandatin e ardhshëm. I lus të gjithë që këto tri orët e fundit të dalin të gjithë në votime, duke mos e lënë në mëshirën e kohës për asgjë”.

“Deri tash, jam jashtëzakonisht i kënaqur me procesin, pavarësisht disa problemeve të vogla në disa qendra përreth Gjilanit, për çka edhe i falënderoj organet e drejtësisë për ndërhyrjen rekorde”, ka qenë mesazhi i kryetarit Haziri./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).