Voton Kryeministri, thotë se zhvillimi i vendit e kërkon rolin aktiv të qytetarëve

Kryeministri i Kosovës, Ramush Haradinaj i shoqëruar nga bashkëshortja e tij Anita Haradinaj, kanë hedhur votën e tyre në shkollën e mesme “Ali Sokoli” në Prishtinë.
Pas votimit kryeministri i vendit i është drejtuar mediave duke thënë: Sot edhe unë kreva obligimin qytetar, votuam për kryetar komune e asamblenë komunale.

“Ftoj qytetarët të votojnë, Kosovën e pret një punë e madhe për me shku ka zhvillimi dhe rritja”, tha Haradinaj para mediave, raporton Express.

“E kjo rritje e kërkon edhe rolin aktiv të qytetarëve, pra votën e tyre”, tha kryeministri.

Tutje Edhe Anita u ka bërë thirrje qytetarëve të votojnë për ata që punojnë për ndryshimin e Kosovës.