Votim me përqindje të pakuptimtë

Nga Tefik Ibrahimi – Sot dola për të votuar. Ishte kënaqësi kur shef aq shumë qytetarë që kanë dal për të votuar. Por tani kur e pash nga mjetet e informimit se deri në ora 16.00 kanë dalë për të votuar “vetëm”, 26,89% e votuesve sinqerisht u habita me këtë sepse bëra një krahasim me numrin e njerëzve që pash në disa vendvotime në Gjilan.

Po problemi i kësaj përqindje të ulët qëndron te LISTAT E VOTUESVE dhe të njerëzit e padijshëm në KQZ të cilët prej Zgjedhjeve të para kurrë nuk arritën me i pastrue Listat e votuesve.

Kujtojmë se për këto zgjedhje lokale të drejtë vote sipas KQZ kanë 1 885 448 persona. Po sa banorë atëherë duhet me i pas Kosova nëse të drejt vote kanë kaq persona??!! Diçka shume paradoksale, diçka që nuk qëndron dhe nuk është e vërtetë kur dihet se në regjistrimin e fundit Kosova ka pas diçka mbi 1.5 milion banorë.

Zotëri të KQZ dhe Organet tjera relevante urgjentisht të merreni me Pastrimin e Listave të votuesve sepse mundi i atyre që po dalin në zgjedhje po shkon huq. Sado që dalin qytetarë në votime përqindja po na del përherë e ultë.

Hjekeni nga Lista njerëzit të cilët janë regjistruar si banorë të Kosovës në kohen e UNMIK-ut nga: Shqipëria, Maqedonia, Serbia, Mali i Zi, Turqia etj.

Hjekni nga Listat personat të cilët kanë vdekur e që familjaret e tyre përveç te varret emrat e tyre i gjejnë edhe në Listat e votuesve kur shkojnë me votu. Kur ta bëni këtë punë atëherë PERQINDJA e atyre që votojnë do të del mbi 60%. Për këtë ju siguroj dhe jam i bindur./rajonipress/

Shpërndaje.
© RAJONIPRESS