Volejbollistja e Dritës, Fjolla Shabani lëndohet rënd, operohet në Shkup

Gjilan – Ditë më parë volejbollistja e KV Drita, Fjolla Shabani, është shpallur volejbollistja më e mira në vend për vitin 2018. Fjolla Shabani këtë kënaqësi e përjetoi pak ditë, pasiqë pikërisht në ndeshjen Kosovë-Shqipëri për nderë të Ditës së Pavarësisë, Shabani u lëndua rënd duke lënduar rënd ligamentin e këmbës së djathtë.

Fjolla Shabani pas dhimbjeve të tmerrshme dërgohet në Shkup të Maqedonisë për të kryer një operacion në këmbën e saj.

Sipas mjekeve konstatohet se volejbollistja më e mirë Kosovare, Fjolla Shabani ka këputje të ligamentit kryqëzor ACL dhe lëndim anësor të brendshëm MCL dhe një kërcitje në meniskus.

Krerët e KV Drita në njoftimin e tyre zyrtarë kanë bërë këtë njoftim për gjendjen e Fjolla Shabanit.

Ja postimi i plotë i KV Drita:
Fjolla SHABANI pësoi lëndim ne gjurin e djathte ne ndeshjen me përfaqësueses se Kosovës!
Ne ndeshjen Kosove – Shqiperi e zhvilluar me daten 16 shkurt 2019 per nder te Pavarësisë se Kosoves qysh ne fillim te ndeshjes te rezultati 6:4 per Kosoven Fjolla pesoj nje lendimi i cili ishte jo i lehte duke shkaktuar keputje te ligamentin kryqezore-ACL dhe lendim atij anesor te mbrendshme-MCL e gjithashtu edhe nje kercitje ne meniskus.
Fjolla sot kreu operimin me suksese dhe pritet qe shume shpejt te vazhdoje terapite e te kthehet edhe me e forte per te ndihmuar ekipin tone KV DRITA.