Volejbollistet e Dritës shumë afër titullit të kampionit

Volejbollistet e Dritës edhe në ndeshjen e dytë të PlayOff-it me lehtësi të madhe në kryeqytet kanë mposhtur M.Technologie me rezultat 0-3, duke shënuar fitoren e dytë radhazi ndaj volejbollisteve nga Prishtina.

Me këtë fitore volejbollistet e Dritës janë shumë afër titullit të kampionit, pasiqë ju duhet vetëm edhe një fitore ndaj M.Technologie për të përmbushur synimet e tyre duke u kurorëzuar me titull të kampionit.

Volejbollistet në tri seta e kanë deklasuar kundërshtarin e sotëm.

Setin e parë volejbollistet e Dritës e kanë përmbyllë me 19-25, ndërsa në dy setet tjera vashat e Dritës e kanë deklasuar kundërshtaret me 18-25 dhe 13-25.

Ndeshja e tretë finale në mes këtyre dy skuadrave zhvillohet të ënjtën në Palestrën “Bashkim Selishta-Petriti”në Gjilan duke filluar nga ora 15:00./rajonipress/

Shpërndaje.
© RAJONIPRESS