Volejbollistet e Dritës mendjen e kanë tek takimi i dytë ndërkombëtar

Gjilan – Volejbollistet me intensitet të madh janë duke luajtur në Superligën e Kosovës pa asnjë humbje, por janë duke menduar për ndeshjen e dytë ndërkombëtare në CEV Cup.

Fati i volejbollisteve të Dritës ishte të takohen me skuadrën nga Zvicra Franches-Montagnes nga qyteti Saignelégier në kantonin Jura të Zvicrës.

Edhe pse kjo skuadër ka një traditë jo të gjatë e cila është themeluar në vitin 1991 ka arritë suksese të jashtëzakonshme duke ngadhënjyer në Superkupën e Zvicrës në vitin 2005.

Lidhur me këtë ndeshje njeriu i cili po bën revolucion në volejbollin e Dritës dhe të Kosovës trajneri Lorik Ilazi u shpreh. “Në kampionatin e Kosovës mjaft mirë kemi startuar gjerë më tani kemi shënuar të gjitha fitore edhe pse kemi një skuadër shumë të re dhe të talentuar po dëshmojmë se puna e jonë me kategoritë e reja po japin rezultate kulminante, por e gjithë kjo është arritur me një punë sistematike nga i gjithë
stafi i skuadrës sonë”

Në ballafaqim me skuadrën Zvicrrane Ilazi theksoi.”Në Ligën e Kampionëve u eliminuam në rrethin e parë u vërejt dukshëm se nuk kishim një përvojë të duhur me këto volejbolliste të reja edhe skuadra nga Zvicra Franches-Montagnes është shumë cilësore në mesin e saj ka volejbolliste të cilësisë së lart, por për skuadrën tonë kjo është një përvojë mjaft e madhe si në organizimin e ndeshjeve njëashtu edhe në paraqitjet tona, jam shumë i sigurt se ne si klub po mbajmë primatin në arenën ndërkombëtare”.

Ilazi për ballafaqimin me 15 dhjetor me skuadrën Zvicerane parasheh edhe një spektakël.
“Ky vit është vit i skuadrës sonë, do ta përmbyllim këtë vit me një sukses të jashtëzakonshëm si në arenën ndërkombëtare njëashtu edhe vendore ndërsa dashamirët e volejbollit të Gjilanit do të kenë rast në gjysmën e dhjetorit të përjetojnë edhe një kënaqësi volejbollistike të cilën do ta shfaqim”./rajonipress/