Volejbollistet e Dritës me lehtësi mposhtin M-technologie
Volejbollistet e Dritës me këmbë të mbarë kanë filluar kampionatin e ri të Superligës së Kosovës në Volejboll, duke e mposhtur njërën ndër skuadrat pretendente për titull të kampionit M-Technologie në tre seta.
Volejbollistet e Dritës me lojën e treguar në Palestrën Sportive “Bashkim Selishta-Petriti”, kanë dëshmuar se edhe në këtë vit do të synojnë titullin e kampionit dhe Kupën e Kosovës. “Bardhekaltërtat” setin e parë e përmbyllën me rezultat 25-18, të dytin 25-23 e të tretin 25-21. Në ndeshjen e dytë Drita do të takohet me Feronikelin në Gjilan.