Volejbollistet e Dritës edhe njëherë kanë dëshmuar se janë të pa konkurrenca në Volejbollin e Kosovës tani e disa vite.
Vashat e Dritës në ndeshjen e tretë të zhvilluar në Palestrën Sportive “Bashkim Selishta-Petriti” në Gjilan, në praninë e afro 2000 shikuesve, kanë mposhtur përherë të tretë volejbollistet nga Prishtina M.Technolgie, duke u stolisurme titull të kampionit.
Në ndeshjen e parë vashat e Dritës mysafiret nga Prishtina i kishin mposhtur me rezultat 3-0 edhe në ndeshjen e zhvilluar në Prishtinë Drita kishte ngadhënjyer me rezultat 1-3.
Për tu përcaktuar kampioni i ri i edicionit 2018 -2019 është dashur të zhvillohet edhe ndeshja e tretë.
Ne setin e parë vashat e Dritës kanë ngadhënjyer me rezultat 25-18, duke dëshmuar volejboll cilësor dhe në asnjë moment nuk ju është rrezikuar ky set i fituar.
Në setin e dytë volejbollistet e Dritës i deklasuan mysafiret me rezultat 25-12, duke dëshmuar tani e një kohë të gjatë se janë të pakonkurenca.
Edhe në setine tretë dhe të fundit të kësaj finale jo të barabartë, volejbollistet e Dritës në mënyrë triumfale e deklasuan kundërshtaret nga Prishtina me rezultat 25-16./rajonipress/
