“Voice of Ukraina” zgjedh këngën e Rona Nishliut

Janë mahnitur të gjithë nga zëri e interpretimi i saj në ‘Evrovizion’. Bëhet fjalë për këngëtaren Rona Nishliu e cila me këngën ‘Suus’ arriti të lë gojë hapur mijëra shikues anekënd botës. E ndonëse ka kohë që kjo këngë është kënduar si duket nuk harrohet lehtë.

Madje po përzgjidhet edhe nga talent jashtë kufijve tanë që duan të nxjerrin në pah zërin e potencialin e tyre. Kështu ka vepruar një vajza ukrainase me emrin Galina Konax e cila në konkurrimin e saj në spektaklin ‘Voice of Ukraine’ ka interpretuar këngën e Ronës, ndërsa publiku janë mahnitur me këtë këngë.

Ndërkaq meqenëse muzika e Rona Nishliut ka arritur të na prezantoj denjësisht jashtë kufijve tanë me të drejtë këngëtarja nga Mitrovica mund të quhet krenari e artit shqiptarë. E kështu e quajti edhe kolegia e saj Rosela Gjylbegu e cila nuk hezitoi të pranojë që është e impresionuar nga ky fakt.

“Impresionuese …krenare për ty Rona Nishliu”, kishte shkruar shkodrania, ndërsa krenar theksuan të jenë edhe shumë komentues tjerë që lanë mbishkrimet e tyre poshtë videos të Rona Nishliut.