Vodhi në 3 shtete, prangoset superhajduti shqiptar

Një shtetas shqiptar është dënuar nga autoritetet italiane me 18 muaj burg, pasi ka faktuar nëpërmjet vjedhjeve në shtete të ndryshme se është një superhajdut. Vjedhjet që 36-vjeçari ka kryer përfshijnë jo vetën shtetin italian por edhe atë gjerman e zviceran.

Dënimi në shtetin fqinj është dhënë një ditë më parë dhe mësohet se ndaj tij janë provuar të 41 rastet e grabitjeve. Herën e fundit ai ishte dënuar në Itali, ku kishte kryer disa vjedhje.

Shqiptari i cili kishte treguar edhe për disa prej vjedhjeve të bëra është njohur fajtor nga gjykatësi Mauro Ermani për 41 vjedhje, duke e dënuar edhe me 18 muaj burg. Siç bëhet e ditur, 36-vjeçari emigrant nga Shqipëria e kishte nisur rrugën e krimeve të tij që në vitin 2008, pikërisht në Mendrisiotto të Tiçions duke kryer vjedhje të ndryshme. Por rruga e tij nuk kishte qenë shumë e qetë, pasi ishte dënuar edhe në Itali dhe Gjermani, vende ku kishte kryer vjedhje të ndryshme.

Por në Kantonin e Tiçinos, ai kishte kryer disa grabitje të ndryshme të bëra në zonat e Pedrinate, Coldrerio e Novazzano, para se të s’postohej më pas në kantonin e Sciaffusa, citon “shqiptarja.com’’. E është pikërisht në këtë kanton që është vënë në pranga në vitin 2013. Sendet e vjedhura nga 36-vjeçari shqiptar mësohet se shkonin në një vlerë prej më shumë se 70 mijë frangash zvicerane.

Sendet e vjedhura ishin të llojeve të ndryshme si: bizhuteri, ora, para kesh, telefona celularë, çanta, 6 shishe shampanje, verë, një thes me lëkura, thika, abonime televizive, pulla postare etj.