Vllasi: Vizita e senatorit amerikan sinjal i qartë për liderët kosovar

Gjilan – Azem Vllasi njohës i mirë i zhvillimeve politike për rajonipress thotë se vizita e senatorit amerikan Christopher Murphy është një sinjal i qartë për liderët tanë se duhet të gjejnë një zgjidhja sa më të shpejt për të dalë nga ky gozhdim i panevojshëm. Ndonëse, Murphy erdhi me një mision të caktuar ajo nuk konsiderohet si ndërhyrje, por si një ndihmesë e madhe e tij për të lëvizur gjërat përpara mendon Vllasi.

Vizita e senatorit amerikan Christopher S. Murphy nuk po shihet i një ndërhyrje e drejtpërdrejtë për të zgjidhur ngërçin politikë në Kosovë, por si një ndihmesë për të zgjidhur dhe tejkaluar krizën aktuale. Kështu mendon Azem Vllasi njohës i mirë i zhvillimeve politike raporton rajonipress.

Vllasi tha për rajonipress se kjo vizitë është një sinjal i qartë për të gjithë liderët që e sollën në këtë gjendje Kosovën, që të bëjnë gjithçka që ta kapërcejnë këtë gozhdim tejet të panevojshëm politik. “Të dyja blloqet e sollën gjendjen deri në këtë masë saqë pa ndërhyrjen e ndërkombëtarëve nuk mund të dilet nga ky izolim total. Jam i sigurt se senatori Murphy u ka dhënë edhe kritika e vërejtje për faktin se nuk është shenjë e mirë që ata e sollën Kosovën në këtë gjendje” tha Vllasi.

Vllasi mendon se Murphy ka ardhur me një mision të caktuar, por realisht nuk është ndërhyrje e drejtpërdrejtë, e SHBA-së, por në fakt nga ardhja e tij kanë lëvizur gjërat.”Unë mendoj se nuk ka asgjë të keqe që të ndërhyjë SHBA-ja sepse liderët tanë e kanë vështirësuar dhe komplikuar tejet shumë situatën për shkak të barrikadimeve dhe kushtëzimeve nga të dyja palët. SHBA është motor lëvizës i skenës politike kosovare dhe çdo lëvizje e tanishme do të bëhet me ndihmesën e miqve amerikan” tha Vllasi.

Vllasi thotë se misioni i senatorit amerikan është një ndihmesë dhe angazhim pozitivë dhe krejt kjo do të kishte efekt nëse liderët tanë do të mbledhin mend.

Vllasi thotë se zgjedhjet e jashtëzakonshme nuk janë të pranueshme për asnjërën palë. “Vetëm frika i shpëton nga zgjedhjet e jashtëzakonshme sepse është lodhë populli prej tyre dhe realisht ato zgjedhje nuk do të ndryshonin diçka pozitive në tërë këtë rrëmujë e rraskapitje të skenës politiken kosovare” ./rajonipress/