Vllasi: Qeveria nuk guxon t’i pranojë ultimatumet e Serbisë

Ultimatumi i kryeministrit të Serbisë, Aleksandër Vuçiq nuk guxon të pranohet nga pala shqiptare. Kështu thotë analisti politik, Azem Vllasi, i cili shton se kjo është një shprehje e një arrogance nga ana e Vuçiq, njofton Klan Kosova.

“Kjo si ultimatum nuk guxon të pranohet nga pala shqiptare. Pozicioni që e ka kryeministri ia jep këtë kompetencë që askush në qeveri nuk munde të bëhet anëtar i kabinetit pa pëlqimin e tij”, ka thënë Vllasi në InfoMagazine.

“Ultimatume nga Serbia nuk duhet pranohet as për këtë çështje as për tjera çështje”.

“Kryeministri duhet të tregojë vendosmëri dhe qëndrueshmëri por kjo gjë nuk po ndodh dhe nuk ka ndodh as përpara”, ka potencuar Vllasi.

“Vuçiq dhe Beogradi janë përfaqësues dhe udhëheqës, ata dhe qeverisin me serbët e Kosovës, ashtu po sillen”.

“Por sidoqoftë Qeveria jonë duhet të reflektojë dhe të tregojë dinjitet”, pohon Vllasi në Klan Kosova.

“Qeveria e Kosovës nuk duhet të varet prej segmentit serb prej atyre tre ministrave”.

“Qeveria duhet t’i mbrojë interesat e Kosovës duke mos i lënë anash as interesat e komuniteteve të ndryshme”, thotë Vllasi.