Vllasi: Presidenti jashtë PD-së e PS-së

Gjilan-Shqipërisë i duhet një president me kredibilitet kombëtarë,moral e njerëzor dhe i paanshëm politikisht dhe në veçanti mos t`i takojë bllokut të PD-së apo PS-së thotë Azem Vllasi.

Analisti politik dhe avokati i njohur kosovar Azem Vllasi nuk ka ngurruar që të jap komentet e tij rreth kandidatit të mundshëm për president të Shqipërisë. Vllasi ekskluzivisht për Rajonipress tha se politika përçarëse nuk i duhet Shqipërisë.

”Shqipëria nuk guxon të vetënumërojë e as t`i kthehet akteve të dhunës. Zgjedhja e peridentit duhet të bëhet me koncenzus dhe i pranueshëm nga të gjitha grupimet politike”.

Vllasi nuk ka dashur të flas me emra konkret ,por tha se Shqipëria ka nevojë për një president dhe për një njëri e politikan që mbi të gjitha ka kredibilitet politik e kombëtarë, por që nuk i takon formacionit të PD-së apo PS-së.” Kandidati jashtë këtyre grupimeve politike, duhet të ndodh për faktin se ekziston një përçarje e keqe dhe në kushtet e sotme në Shqipëri, kandidati që do vinte nga këto dy subjekte politike vështirë se do të mund të ishte i paanshëm politikisht”,tha ai.

Vllasi gjithashtu tha se njerëzit apo politikanët që kanë pasur karrierë politike në Shqipëri në kohërat e turbullirave, nuk është mirë të kthehen në skenën politike, aq më parë të kandidojnë për president. “Kthimi i këtyre kuadrove në skenën politike është shenjë e keqe për Shqipërinë” tha Vllasi.

Vllasi ndërkaq ka komentuar edhe emrin e Ismail Kadaresë. “Kadareja mund të jetë faktor unifikues dhe jo dorë e zgajtur e ndonjë partie politike dhe asgjë nuk ka të keqe që ai të mbështetet për president. Shqipëria ka kuadro,ka njerëz dhe ka diplomatë të shquar që mund ta ushtrojnë detyrën e presidentit pa qenë i ndikuar nga politika e ditës apo klanet e caktuara” tha Vllasi./rajonipress/